A LAVANDEIRA

Quen somos?

Empresa familiar e local

Fai uns anos decidimos emprender a aventura de crear este pequeno negocio, unha lavandería autoservizo. Como verinenses botamos en falta este servizo de autolavado, un negocio en auxe nas cidades, e agora, tamén nas vilas.
Abrimos as nosas portas ó público o 16 de marzo de 2018 con moita ilusión. Unímonos a todos eses comercios verinenses como un máis, outra iniciativa que se suma e apoia ó comercio local da nosa vila.
A nosa idea dende o primeiro momento é facilitar e facerlle ós nosos clientes máis cómoda unha tarefa do día a día: a colada, ofrecendo rapidez e eficacia. Así, cun servizo de lavado e secado que dura aproximadamente unha hora, os nosos clientes non terán que preocuparse o resto do día pola roupa. Os produtos empregados para o lavado son de gran calidade e a limpeza dura por un longo tempo nas prendas lavadas. Ademais os clientes tan só terán que traer o que desexen lavar, e resulta máis económico que na casa. Non existe un “pero” para non acudir ó noso establecemento!
Estamos cerca dos nosos clientes, dispoñibles en todo momento e tentando que os servizos sexan do maior agrado posible.  
Non dubidedes en chamarnos e achegarvos ata a A LAVANDEIRA.